Spekulimet pas një fotoje
Pas arrestimit të Fatmir Shehollit nga Policia e Kosovës nën dyshime për spiunazh, rrjetet sociale u mbushën me hamendësime pasi qarkulloi një foto e tij me ish-banoren e Big Brother VIP Kosova, Juliana Nura. Në imazhin që u bë viral, të dy shihen të buzëqeshur, çka mjaftoi për të nxitur aludime për një lidhje ose njohje mes tyre.
Reagimi i Julianës
Nura reagoi menjëherë për të sqaruar rrethanat dhe për t’u vënë fre zërave. Ajo theksoi se personi i kishte kërkuar të bënin një fotografi, ashtu siç bën çdo ditë me qindra ndjekës që nga dalja nga BBVK; shtoi se nuk e njeh Shehollin dhe kërkoi që të mos e përziejnë me jetën e tij profesionale apo personale. Sipas saj, reagimi u publikua në InstaStory. Foto: Instastory.
Arrestimi i Shehollit
Reagimi vjen pasi Fatmir Sheholli u arrestua më 9 tetor 2025 nga Policia e Kosovës, me asistencë nga Agjencia Kosovare e Inteligjencës dhe Prokuroria Speciale. Ai dyshohet për bashkëpunim me shërbimin sekret serb (BIA), duke u marrë me mbledhje informacionesh dhe dokumentesh që lidhen me sigurinë kombëtare. Aktualisht, Sheholli ndodhet në paraburgim 30-ditor dhe po hetohet për veprën penale të spiunazhit.
Burimi: Bota Sot
