Komisioni Qendror i Zgjedhjeve (KQZ) bën të ditur se mbi 74 për qind e vendvotimeve në Kosovë janë numëruar deri tani. Procesi i numërimit do të vazhdojë edhe sot në disa komuna.
Komunat ku vazhdon procesi
Numërimi nis nga ora 16:00 në 11 Qendra Komunale të Numërimit (QKN), në komunat: Prishtinë, Pejë, Prizren, Podujevë, Mitrovicë e Jugut, Gjakovë, Malishevë, Lipjan, Gjilan, Ferizaj dhe Suharekë.
Ecuria e numërimit
Sipas të dhënave më të fundit, nga të gjitha QKN-të janë procesuar mbi 1,900 vendvotime nga gjithsej 2,557, që përfaqëson më shumë se 74 për qind të vendvotimeve në nivel vendi.
Komunat me numërim të përfunduar
KQZ njofton se numërimi është mbyllur në 27 komuna: Mamushë, Shtërpcë, Junik, Hani i Elezit, Kllokot, Partesh, Mitrovicë e Veriut, Novobërdë, Zveçan, Viti, Zubin Potok, Ranillug, Dragash, Istog, Obiliq, Gllogoc, Deçan, Shtime, Klinë, Kamenicë, Fushë Kosovë, Leposaviq, Graçanicë, Vushtrri, Rahovec, Skënderaj dhe Kaçanik.
Burimi: KQZ, RTKlive
