Qëndrimi i Nismës për koalicionet
Artan Nimani i Nismës Socialdemokrate, në emisionin “Edicioni Special” në Klan Kosova, tha se partia ka marrë oferta nga kandidatë në disa komuna, por do të presë certifikimin e rezultateve përfundimtare të zgjedhjeve. Ai theksoi se Nisma ende nuk ka marrë një qëndrim përfundimtar lidhur me bashkëpunimet me partitë e tjera.
Klimë politike dhe aleanca të mundshme
Sipas Nimanit, është shenjë pozitive zbehja e të ashtuquajturave “vija të kuqe”, ndonëse komunikimi mes partive dhe liderëve për koalicione ka qenë i dobët. Ai tha se po vërehet një ngarendje pas pushtetit dhe, si pasojë e zhgënjimit nga rezultatet e zgjedhjeve lokale, po tentohet krijimi i aleancave që mund të mos jenë produktive, siç ka treguar edhe e kaluara.
Kontaktet dhe hapat e radhës
I pyetur nëse kanë pasur telefonata për koalicione në komuna, Nimani u shpreh se deri tani nuk është arritur asnjë dakordim. Ai shtoi se pas certifikimit të rezultateve, partia do të analizojë veç e veç programet dhe nënvizoi se Nisma nuk vendos vija të kuqe ndaj asnjë partie politike.
Burimi: Klan Kosova
