Reagimi i Petar Petkoviq
Zgjedhja e Nenad Rashiqit si nënkryetar i Kuvendit të Kosovës ka sjellë reagim nga drejtori i Zyrës për Kosovën në Qeverinë e Serbisë, Petar Petkoviq.
Akuzë për shkelje ligjore
Petkoviq e cilësoi vendimin “plotësisht të paligjshëm”, duke theksuar se posti i nënkryetarit nga komuniteti serb, sipas tij, i takon ekskluzivisht Listës Serbe.
Mesazhi në X dhe thirrja për votë
Në një postim në platformën X, ai tha se shkeljet e vendimeve ligjore nga kryeministri Albin Kurti kanë arritur kulmin. “Nëse Kurti zgjedh Rashiqin, serbët do ta zgjedhin Listën Serbe edhe më fuqishëm”, shkroi Petkoviq, duke u bërë thirrje serbëve në Kosovë që në zgjedhjet lokale të së dielës të mbështesin Listën Serbe.
Burimi: Gazeta Express / REL
