Policia zhvilloi dy aksione të veçuara në komunat Zubin Potok dhe Leposaviq, duke sekuestruar armë dhe pajisje me përdorim ushtarak në banesat e dy personave të dyshuar.
Operacioni i parë: Zubin Potok (Orashak)
Aksioni i parë u krye rreth orës 13:00 në fshatin Orashak të Zubin Potokut. Gjatë kontrollit në shtëpinë e një të dyshuari që aktualisht ndodhet jashtë vendit, dhe në prani të një familjari si dëshmitar, u gjetën dhe u sekuestruan një pushkë M-48, një uniformë ushtarake me emblemat “katër C” dhe një kapelë ushtarake. Rasti po hetohet në procedurë hetimore.
Operacioni i dytë: Leposaviq (Mikinic)
Rasti i dytë u regjistrua rreth orës 14:30 në fshatin Mikinic të Leposaviqit. Gjatë bastisjes në banesën e të dyshuarit u sekuestruan: një armë automatike AK-47, 55 fishekë, një bajonetë, një predhë e fishekut, dy këmisha me emblema të policisë serbe dhe një jelek i ushtrisë serbe. I dyshuari u arrestua dhe, pas intervistimit, me vendim të prokurorit, u lirua në procedurë të rregullt.
Burimi: Policia
