Fluks i shtuar i emigrantëve është vërejtur në kufirin Shqipëri–Kosovë me rastin e festave të fundvitit. Qindra automjete dhe drejtues nga vendet e Bashkimit Evropian po kalojnë drejt Kosovës për të kaluar pushimet pranë familjeve.
Radhë të gjata në Vërmicë
Sapo hyjnë në territorin e Kosovës, në pikën kufitare të Vërmicës janë krijuar radhë të gjata mjetesh.
Siguracioni jeshil, arsyeja kryesore
Shkaku kryesor është pagesa e detyrueshme e siguracionit jeshil për automjetet me targa të huaja që do të qëndrojnë në Kosovë. Shumë shoferë thonë se kjo procedurë u sjell vonesa të gjata dhe pritje të lodhshme.
Ndikimi i mungesës së energjisë
Situata rëndohet edhe më tej nga mungesa e energjisë elektrike, duke bërë që sportelet e sigurimeve të funksionojnë me gjeneratorë.
Burimi: tch, përcjell KosovaPress
