Shkumbin Demaliaj, ish-deputet i Aleancës për Ardhmërinë e Kosovës, ka deklaruar se ka hyrë zyrtarisht në garën për zgjedhjet lokale që do të mbahen në tetor në Komunën e Deçanit.
Në fjalimin e tij, Demaliaj ka bërë kritika të ashpra ndaj ish-anëtarëve të partisë së tij, duke u zotuar se ai dhe ekipi i tij do të rivendosin institucionet që sipas tij janë uzurpuar dhe keqpërdorur nga klane dhe familje të liderëve aktualë. Ai shtoi: ‘Nga sot, Iniciativa Qytetare Demokracia në Deçan, ka filluar zyrtarisht fushatën për zgjedhjet lokale të tetorit. Ne jemi këtu për të rikthyer dinjitetin institucional, moral dhe njerëzor në komunë.’
