Kryetari i Drenasit, Ramiz Lladrovci, shprehet se nuk do të kandidojë si i pavarur në zgjedhjet lokale dhe qëndron i angazhuar në Partinë Demokratike të Kosovës (PDK). Duke folur në emisionin Pressing në kanalin T7, Lladrovci theksoi se asnjeri nuk ka fuqinë ta heqë atë nga radhët e PDK-së.
“Unë deklaroj hapur se nuk ekziston asnjë njeri që mund të më largojë nga PDK. Personalisht, kam kontribuar në rritjen e vlerave të PDK-së dhe jam formuar politikisht brenda saj. Sa herë që janë zgjedhje qendrore, na bashkohemi, por në ato lokale shpesh shihet se si aleatët tanë nuk qëndrojnë të bashkuar dhe kjo shkakton probleme, duke u treguar të pavendosur dhe duke i lënë premtimet në ajër”, u shpreh ai.