Çdo tekst merr zë, në shqip.
Shkruani, ngjitni ose hapni një tekst (një libër, një PDF, një artikull nga interneti) dhe Llafazani e lexon me një zë të natyrshëm. Audioja krijohet nga kompjuteri juaj.
Shkarko për WindowsVersioni 1.0.0 · Windows 10 dhe 11 (64 bit) · 327 MB
Dëgjoni zërat
Një libër, një artikull apo një mesazh: çdo tekst mund të dëgjohet, kur të doni dhe ku të doni.
Nga lajmet e mëngjesit te romani para gjumit: mbyllni sytë dhe lëreni Llafazanin të lexojë për ju.
Çfarë bën Llafazani
Dëgjoni pa pritur
Leximi nis menjëherë dhe pjesa tjetër e audios krijohet gjatë dëgjimit, edhe për një libër të tërë.
Lexon siç duhet
Numrat, datat, monedhat, njësitë, shkurtesat (OKB-ja, ShBA…) dhe adresat e internetit lexohen si nga një folës shqiptar.
Tekstet mbeten te ju
Zëri krijohet në kompjuterin tuaj. Asnjë tekst dhe asnjë e dhënë personale nuk dërgohet në internet.
Libra, PDF, foto dhe artikuj
Hapni skedarë TXT, EPUB, DOCX dhe PDF, edhe faqe të skanuara, një foto ose një pamje ekrani me tekst, ose ngjitni lidhjen e një artikulli: Llafazani merr vetëm tekstin e tij.
Kudo në kompjuter
Përzgjidhni një tekst në çdo program, në shfletues apo në një dokument, dhe shtypni Ctrl + Alt + L: Llafazani e lexon menjëherë.
Ndiqni tekstin me sy
Fjalia dhe fjala që po thuhen ngjyrosen në tekst. Klikoni mbi një fjali dhe leximi nis prej saj.
Vazhdoni ku e latë
Llafazani mban mend tekstin dhe fjalinë ku u ndal leximi, për çdo libër, edhe pasi e mbyllni.
Fjalori juaj i shqiptimit
Emrat e huaj, markat dhe shkurtimet lexohen ashtu siç ia mësoni ju programit, edhe me mbaresë (Facebook-ut).
Shpejtësia që ju pëlqen
Rregulloni shpejtësinë e zërit dhe të dëgjimit (deri në 3 herë më shpejt), si dhe pauzat. Kohëmatësi e ndalon leximin kur të doni.
Edhe pa e parë ekranin
Llafazani përdoret i tëri me tastierë dhe me lexues ekrani (NVDA, JAWS, Narrator). Kapitujt, paragrafët dhe fjalitë arrihen me një tast. Më shumë për aksesueshmërinë
Ruani audion
Skedar MP3 ose WAV, ose një MP3 për çdo kapitull të një libri, gati për telefon, video, podkaste ose libra me zë.
Përditësime automatike
Versionet e reja instalohen vetë, nëse e dëshironi.
Së shpejti
Llafazani në shfletues
Pa instalim, edhe në sisteme të tjera, jo vetëm në Windows.
Shtesë për shfletuesin
Një buton në vetë faqen që po lexoni, pa kopjuar as lidhjen, as tekstin.
Më shumë zëra, edhe më të mirë
Modeli po përmirësohet vazhdimisht: do të vijnë zëra të rinj, me cilësi edhe më të lartë.
Instalimi
- Shkarkoni programin dhe hapni skedarin e shkarkuar.
- Nëse Windows-i shfaq paralajmërimin «Windows protected your PC», klikoni «More info», pastaj «Run anyway». Programi është i ri dhe Windows-i nuk e njeh ende.
- Pranoni kushtet e përdorimit, zgjidhni dosjen dhe ndiqni hapat.
- Në nisjen e parë, Llafazani provon kartën grafike për të zgjedhur mënyrën më të shpejtë. Kjo zgjat vetëm pak çaste.