Presidentja e Kosovës, Vjosa Osmani, po qëndron në Gjermani, ku ka mbajtur një fjalim në Aspen Institute në Berlin.
Fjalimi në Berlin
Në një postim, ajo bëri të ditur se ka theksuar se e ardhmja e Kosovës është e rrënjosur në demokraci dhe e udhëhequr nga vlerat euroatlantike. Osmani foli për Kosovën si një shtet që, në thelb të projektimit të së ardhmes, ka përqafuar reformën dhe zbatimin e saj si rrugën e vetme drejt zhvillimit dhe konsolidimit demokratik.
Integrimi euroatlantik
Krahas kësaj, Osmani u shpreh e bindur se e ardhmja e Kosovës është në NATO dhe në Bashkimin Evropian. Ajo theksoi se kjo nuk përbën vetëm një aspiratë të palëkundur të Kosovës, por është edhe një interes strategjik për mbarë rajonin dhe për vetë aleancën euroatlantike.
Burimi: Bota sot