Lirimi pas arrestimit
Avokati Arianit Koci ka bërë të ditur se një bashkatdhetar, identiteti i të cilit nuk është bërë publik, është liruar nga autoritetet serbe pasi u ndalua për shkak të emblemës së UÇK-së në automjetin e tij. Sipas tij, i liruar tashmë është në rrugë për t’u kthyer në Kosovë, raporton KosovaPress.
Thirrje për kujdes gjatë transitit
Koci ripërsëriti apelin që bashkatdhetarët të jenë të kujdesshëm dhe të shmangin kalimin transit nëpër Serbi me simbole të UÇK-së në veturat e tyre, pasi një veprim i tillë mund të rezultojë me arrestim nga autoritetet serbe.
Burimi: KosovaPress