Hyrje
Agjencia e Menaxhimit të Emergjencave ka përmbyllur një vit me angazhim të shtuar, duke avancuar dokumentet strategjike për rritjen e gatishmërisë kombëtare ndaj fatkeqësive dhe duke menaxhuar mijëra ndërhyrje gjatë sezonit të verës, veçanërisht në zjarre, vërshime, aksidente rrugore dhe shërbime teknike. Drejtori ekzekutiv, Genc Metaj, vlerëson arritjet, sfidat dhe reagimin e koordinuar në terren.
Dokumente strategjike dhe rritja e gatishmërisë
– Janë hartuar dhe miratuar programi i ushtrimeve dhe vlerësimi i gatishmërisë kombëtare.
– Janë finalizuar pesë korniza kombëtare në fushat e parandalimit, mbrojtjes, zbutjes, reagimit dhe rimëkëmbjes.
– Është përgatitur dokumenti i vlerësimit të rrezikut nga fatkeqësitë natyrore dhe ato të tjera.
– Janë hartuara 15 funksionet mbështetëse sipas Planit të Reagimit Kombëtar.
– Janë miratuar plani i integritetit dhe plani i performancës.
– Është zbatuar plani i veprimit i Strategjisë Shtetërore për Zvogëlimin e Rrezikut.
Koordinimi 24/7 dhe reagimi në terren
Përmes qendrave operative emergjente, AME ka vepruar si shtylla kryesore operative, duke pranuar pandërprerë thirrje emergjente 24/7 dhe duke koordinuar veprimet me institucionet përgjegjëse. Ky mekanizëm ka garantuar reagim të shpejtë dhe të sinkronizuar institucional.
Sezoni i verës dhe statistikat e ndërhyrjeve
Sipas Metajt, periudha më sfiduese ka qenë sezoni i verës, kur është shënuar rritje e ngarkesës operative. Ndërhyrjet e regjistruara përfshijnë:
– 7,091 raste zjarresh
– 320 intervenime në vërshime dhe thithje uji
– 272 intervenime në aksidente rrugore
– 2,983 ndërhyrje teknike dhe shërbime të tjera
Projekte dhe kapacitete të reja
Përveç dokumenteve planifikuese, është miratuar projekti për themelimin e njësive të reja të kërkim-shpëtimit, duke synuar rritjen e kapaciteteve operacionale dhe të reziliencës institucionale.
Burimi: Agjencia e Menaxhimit të Emergjencave