Brighton ka bërë një goditje të madhe në tregun e transferimeve duke nënshkruar me sulmuesin 18-vjeçar grek, Charalampos Kostoulas, nga Olympiacos i Mendilibar për një shumë që rreth 40 milionë euro, sipas burimeve jozyrtare. Ky transferim konsiderohet si një investim i madh për një nga talentet më premtuese të futbollit grek.
“Jemi të lumtur të konfirmojmë se Charalampos Kostoulas do të bashkohet me klubin më 1 korrik me një tarifë të pacaktuar, e cila varet nga përfundimi i suksesshëm i të gjitha proceseve rregullatore të nevojshme. Sulmuesi 18-vjeçar nga Olympiacos do të nënshkruajë një kontratë pesëvjeçare”, deklaroi Brighton në një komunikatë.
Fabian Hurzeler, trajneri i Brighton, shprehet se: “Charalampos është një lojtar i jashtëzakonshëm dhe jemi të entuziazmuar që ai ka zgjedhur të luajë në Premier League. Presim me padurim kontributin që ai do të sjellë në ekip”.
Kostoulas është produkt i akademisë së Olympiacos dhe sezonin e kaluar ndihmoi skuadrën të fitonte dy tituj, duke shënuar shtatë gola dhe duke dhënë dy asistime në 35 ndeshje në të gjitha garat.