Richard Grenell, emisari special për misione të veçanta i Presidentit amerikan Donald Trump, reagoi ashpër ndaj një postimi të presidentes së Komisionit Evropian, Ursula von der Leyen, pas takimeve të saj në Kosovë me Presidenten Vjosa Osmani dhe deputetin Albin Kurti. Von der Leyen theksoi përkushtimin e BE-së për integrimin e gjashtë vendeve të Ballkanit Perëndimor, domosdoshmërinë e institucioneve të forta, de-eskalimin e tensioneve dhe përmbylljen e hapave për të përfituar nga Plani i Rritjes.
Reagimi i Grenell ndaj Von der Leyen:
Grenell, në rrjetin X, akuzoi Brukselin për standarde të dyfishta, duke kujtuar se “Gjykata në Hagë e ka mbajtur Presidentin Hashim Thaçi për 5 vite”. Ai shtroi pyetjen: “Si mund të jepni këshilla gjyqësore për ndonjë vend tjetër?”
Duke e lidhur kritikën edhe me zhvillimet politike në SHBA, ai përmendi prokurorin special Jack Smith dhe “heshtjen e turpshme të medias”, duke thënë: “Qëndruat në heshtje ndërsa Jack Smith arrestoi një President në detyrë, vetëm pse ai ishte në rrugë për t’u takuar me Donald Trump për të arritur një marrëveshje paqeje që përfshinte shpërbërjen e vendit të punës së Jack Smith-it/gjykatës. Është turp se si mediat e kanë injoruar këtë ndjekje politike.”
Mesazhi i Von der Leyen:
Në postimin e saj, Von der Leyen shkroi: “Mbërrita në Kosovë. Ne mbetemi të përkushtuar ndaj një të ardhmeje ku të gjashtë partnerët e Ballkanit Perëndimor janë pjesë e Bashkimit tonë. Për këtë, është thelbësore që Kosova të vazhdojë të ndërtojë institucione të forta, të ulë tensionet në vend dhe të përfundojë hapat e nevojshëm për të përfituar nga Plani i Rritjes.”
Burimi: Postimet në X të Richard Grenell dhe Ursula von der Leyen