Futbollisti Quincy Promes është ekstraduar së fundmi në Holandë për të vuajtur një dënim me burg prej shtatë vjet e gjysmë. Ish-ylli i Ajax-it ishte shpallur në kërkim ndërkombëtar pasi akuzohet për thikëllim të kushëririt të tij dhe përfshirje në kontrabandimin e drogës. Promes, 33 vjeç, u arrestua një javë më parë në shtëpinë e tij në Dubai, pas një kërkese nga policia holandeze. Ish-anësori i Sevillas, Ajax dhe Spartak Moskës shprehu dëshirën për të kthyer në atdhe për të apeluar dhe bashkëpunuar me gjyqin e tij, megjithëse autoritetet e Dubait ishin gati ta ekstradonin atë edhe pa këtë dëshirë.
Promes akuzohet se ka thikëlluar kushëririn e tij pas një debati në vitin 2020. Ai fillimisht ishte në gjyq për vrasje të mbetur në tentativë, por më pas akuza u ul në sulm të rënduar. Promes qëndroi në Moskë dhe nuk mori pjesë në gjyqin e mbajtur në 2023, pasi Rusia nuk ka një traktat ekstradimi me Holandën. Ai u dënua fillimisht me 18 muaj burg, vendim ky që ai vendosi të apelojë. Më vonë, atij iu shtuan gjashtë vite të tjera dënimi për përfshirjen e tij në një grup të kapur duke kontrabanduar 1,370kg kokainë.
Ndërkohë, Promes vazhdoi të luajë për Spartak Moskën pavarësisht akuzave penale. Ai përfaqësoi Dubai United deri më herët këtë vit dhe ka qenë me Spartakun për shtatë vite gjatë dy periudhave të ndryshme, duke shënuar 114 gola. Promes luajti gjithashtu për Sevillan në Spanjë gjatë fushatës 2018/19 dhe dy sezone me gjigantët holandezë të Ajax.