Ministri i Mbrojtjes së Izraelit, Israel Katz, ka bërë të ditur se bashkë me kryeministrin Benjamin Netanyahu, ka urdhëruar forcat ushtarake të Izraelit të intensifikojnë sulmet ndaj objektivave strategjike në Iran. Kjo veprimtari ushtarake vjen pasi Irani ka nisur një seri të re raketash balistike kundër qyteteve izraelite të enjten e kaluar.
Katz ka akuzuar liderin suprem të Iranit, Ayatollah Ali Khamenei, për të qenë një ‘diktaror frikacak’ që qëndron i mbyllur në bunkeret e fortifikuara dhe ka nisur sulme të drejtuara kundër spitaleve dhe ndërtesave të banuara në Izrael. Katz ka shpërndarë këto komente nëpërmjet një deklarate zyrtare nga Ministria e Mbrojtjes, të cilën e ka cituar edhe CNN. Ai thekson se këto veprime të Iranit janë ‘format më të rënda të krimeve të luftës’ dhe se Khamenei do të mbajë përgjegjësi për to.
‘Sipas udhëzimeve të kryeministrit dhe të mijave, kemi kërkuar që Forcat e Mbrojtjes të Izraelit të intensifikojnë sulmet kundër objektivave strategjike në Iran dhe të godasin objekte qeveritare në Teheran, në mënyrë që të neutralizohen kërcënimet ndaj Shtetit të Izraelit dhe të destabilizohet regjimi i Ajatollahëve,’ tha Katz.