Pas videove të qarkulluara në rrjetet sociale, ku ajo dhe Don Xhoni shfaqeshin pranë njëri-tjetrit, Loredana Brati ka sqaruar publikisht natyrën e raportit të tyre dhe ka folur edhe për Jozin, me të cilin pati një romancë në BBV 4.
Raporti me Don Xhonin
Në emisionin “Shqipëria Live”, Loredana tha se miqësia me Don Xhonin lindi nga një ide bashkëpunimi që, për fat të keq, nuk u finalizua. Sipas saj, ka qenë vetë ai që e ka kontaktuar dhe që prej asaj kohe kanë ruajtur respekt të ndërsjellë. Ajo theksoi se mes tyre nuk ka pasur lidhje sentimentale: “Nuk mund të flas keq, është shumë i sjellshëm; kënaqësi që e kam njohur dhe që mbajmë kontakt. Projekti nuk u realizua për shkakun tim, por shohim më tej.”
Për Jozin dhe romancën në BBV 4
Duke iu referuar Jozit, ish-banorit të BBV 4, Loredana u shpreh se ai është i vetmi burrë me të cilin ka pasur një histori dashurie gjatë këtij viti. Sipas saj, pavarësisht përpjekjeve për t’u larguar nga njëri-tjetri, emrat e tyre “do të mbeten të lidhur”. Ajo shtoi se është gëzuar për koncertet e tij dhe i uron suksese, ndërsa pranoi se së fundmi kanë pasur pak komunikim.
Burimi: Emisioni “Shqipëria Live”