Autokolona me flamuj drejt Shqipërisë
Vetura nga Kosova, të stolisura me flamujt kuq e zi dhe me tri germat “UÇK”, po udhëtojnë drejt Shqipërisë.
Protesta në sheshin “Skënderbej”
Sot, qytetarë nga të gjitha trojet shqiptare pritet të bashkohen në sheshin “Skënderbej” në Tiranë, ku do të ushtojnë thirrjet “Drejtësi për çlirimtarët”.
Motoristët drejt Hagës e më tej Brukselit
Rreth 150 motoristë shqiptarë nga qytete të ndryshme të Kosovës janë nisur drejt Hagës, të veshur me bluza me mbishkrimin “Liria ka emër”. Pas Hagës, marshi i tyre do të vazhdojë drejt Brukselit.
Mbështetje politike dhe organizimi i transportit
Figurë të ndryshme politike nga Kosova dhe Shqipëria kanë shprehur përkrahje për protestën. Nga Kosova pritet të nisen rreth 60 autobusë me qytetarë që do t’i bashkohen tubimit në Tiranë.
“Rruga e Kombit” pa pagesë
Autoritetet shqiptare kanë njoftuar se “Rruga e Kombit” do të jetë pa pagesë për qarkullim sot, si shenjë solidariteti me protestën.
Protesta edhe në Prishtinë dhe Hagë
Tubime mbështetëse për ish-krerët e UÇK-së janë mbajtur edhe në Prishtinë dhe në Hagë.
Burimi: Raportime mediatike