Ish-zëdhënësi i NATO-s, Jamie Shea, shprehet se përshkallëzimi i konfliktit mes Izraelit dhe Iranit nuk pritet të ketë një ndikim të drejtpërdrejtë në Kosovë apo në Ballkanin Perëndimor. Sidoqoftë, ai thekson se zhvillimet globale mund të ndikojnë në prioritetet strategjike dhe politike të NATO-s në rajon.
Shea vëren se përfshirja indirekte e aleancës mund të manifestohet përmes roli logjistik të infrastrukturave të saj në Evropë për nevojat e SHBA. Ai gjithashtu shton se mund të rritet siguria në ambasadat dhe bazat ushtarake amerikane dhe të aleatëve të tjerë në rajon, në pritje të sulmeve të mundshme terroriste.
Sipas Shea, fokusi ndërkombëtar që tani është tërhequr nga kriza në Ukrainë, mund të ndikojë negativisht në energjinë dhe vëmendjen e nevojshme për të adresuar sfidat në Ballkanin Perëndimor, siç është dialogu mes Prishtinës dhe Beogradit. Ai paralajmëron se formimi i një koalicioni ndërkombëtar kundër Iranit është politikisht i vështirë, duke pasur parasysh mungesën e një kërcënimi të drejtpërdrejtë nga Irani dhe dëshirën e Izraelit për të ruajtur kontrollin maksimal.
Në një kontekst ku peizazhi geopolitik është shumë më konfrontues dhe i mbushur me kriza se sa gjatë mandatit të parë të Trump, Shea shprehet dyshues nëse ish-presidenti do të ketë kohën dhe fokusin e nevojshëm për të riangazhuar seriozisht në dialogun Kosovë-Serbi.