## Reagimi i Ministres Rizvanolli
Artane Rizvanolli, Ministrja në detyrë e Ekonomisë, ka deklaruar se nuk është e vërtetë që Kosova po importon energji nga Serbia. Ajo pohon se kjo që po etiketohet si “import” i energjisë bazuar në të dhënat e rrjedhave fizike, mund të jetë ose dezinformim i qëllimshëm ose thjeshtë mungesë informacioni. Sipas saj, Serbia ka ndaluar tregtimin e energjisë në linjat ndërmjet Kosovës dhe Serbisë që nga pavarësimi energjetik i Kosovës në vitin 2020.
## Problemet në Linjat Rajonale
Si pasojë e pengesës së Serbisë, shpesh ka ngarkesë të tepërt në linjat e energjisë që lidhin Kosovën me Malin e Zi dhe Maqedoninë e Veriut. Rizvanolli bën thirrje për informim të saktë dhe të verifikuar nga ata që raportojnë dhe publikojnë të dhëna apo lajme në lidhje me sektorin e energjisë në rajon.