ULQIN: Një automjet i tipit BMW X1, i cili drejtohej nga një shtetase e Kosovës me inicialet L.B., u kontrollua dje në mbrëmje nga zyrtarët policorë në pikën kufitare Sukobina – Muriçan, e vendosur mes Malit të Zi dhe Shqipërisë. Gjatë inspektimit, policia zbuloi se automjeti ishte në listën e kërkimeve të Interpol Belgjika.
Në koordinim me Departamentin e Sigurisë në Ulqin dhe pas komunikimit me oficerët e Interpol në Podgoricë, u konfirmua se kërkimi për automjetin ishte ende aktiv. Si rezultat, prokurori pranë Zyrës së Prokurorisë Themelore të Ulqinit u informua rreth rastit. Me urdhër të prokurorit, automjeti u sekuestrua.
Për më tej rreth fateve të shoferes së automjetit, policia ende nuk ka dhënë detaje.