Presidenti amerikan, Donald Trump, ka bërë të ditur se ka ndaluar Serbinë nga nisja e ndonjë përplasje. Ai bëri këto komente në një konferencë për shtyp pas samitit të NATO-s në Hagë të mërkurën.
“Kemi arritur të mbyllim çështjet me Ruandën dhe Kongon, të cilët pritet të nënshkruajnë dokumentet këtë të premte në Shtëpinë e Bardhë. Tashmë kanë nënshkruar dokumente bazike, por presim nënshkrimin e tyre këtu,” deklaroi Trump, sipas Klankosova.tv. Edhe pse Trump nuk specifikoi kundër kujt Serbia mund të niste përplasjet, supozohet se bëhet fjalë për Kosovën, veçanërisht pasi që ai në të njëjtën konferencë pohoi se ka një angazhim të vazhdueshëm në lidhje me çështjen mes Kosovës dhe Serbisë.