Reagimi i Xumit pas batutës së Ledionit
Ish-banori i Big Brother VIP, Xum Allushi, është rikthyer në qendër të vëmendjes pas një reagimi me nota ironie, i cili dyshohet se i drejtohet moderatorit Ledion Liço. Në një video të qarkulluar në rrjetet sociale, Xumi i përgjigjet me humor batutës që Ledioni bëri për të gjatë mbrëmjes së eliminimit, duke i kujtuar me ironi fjalët e mëparshme.
“Njeriu i proteinave, ai që thoshte se do t’i fikte dritat e Big Brother-it, vazhdon punën përditë, ajo puna mashallah. Të paktën nxjerrim një pagë, jetojmë, hamë një kafshatë. Po mua më kanë thënë që ty të ka lënë gruaja; ku do t’i gjesh lekët të hash bukë?”, shprehet Xumi duke qeshur.
Batutat që u bënë virale
Deklarata e tij u lexua si përgjigje e drejtpërdrejtë ndaj thumbit të Ledionit, i cili gjatë spektaklit e përmendi me frazën: “Ai i proteinave që do fikte dritat e shtëpisë”. Momenti u përhap gjerësisht në rrjet, pasi lidhej me deklarimet e Xumit gjatë qëndrimit në shtëpinë e BBVA, kur ai shpesh shfaqej i bindur se do të fitonte edicionin.
Jeta pas BBVA
Pas përfundimit të spektaklit, Xum Allushi është përqendruar te biznesi i tij me suplemente ushqimore për palestër, të cilin e promovon rregullisht në rrjetet sociale. Megjithatë, duket se nuk e ka lënë pas dore ironinë e dikurshme të moderatorit, duke zgjedhur së fundmi t’ia kthejë me të njëjtën “monedhë”.
Zërat për Ledion Liçon dhe Sara Hoxhën
Kjo video vjen në një kohë kur në media po qarkullojnë thashetheme për një krizë në marrëdhënien mes Ledion Liços dhe Sara Hoxhës — raportime që deri tani nuk janë konfirmuar nga asnjëra palë dhe mbeten të paverifikuara.
Burimi: Lokimagazine.com, rrjete sociale