Aksesueshmëria
Llafazani është bërë që ta përdorë kushdo: edhe kush nuk e sheh ekranin, kush sheh pak ose kush nuk përdor miun. Programi përdoret i tëri me tastierë dhe me lexuesit e ekranit (NVDA, JAWS, Narrator i Windows-it).
Shkurtoret e tastierës
| Hapësirë | Lexo / pauzë |
|---|---|
| ← → | Fjalia e mëparshme / fjalia tjetër |
| Ctrl + ↑ ↓ | Paragrafi i mëparshëm / paragrafi tjetër |
| Shift + ← → | 5 sekonda prapa / përpara |
| + − | Dëgjim më i shpejtë / më i ngadaltë (deri në 3 herë më shpejt) |
| Ctrl + O | Hap një skedar: libër, dokument, PDF ose foto me tekst |
| Ctrl + V | Ngjit një tekst, ose një foto me tekst (për shembull një pamje ekrani) |
| Ctrl + S | Ruaj audion |
| Ctrl + Alt + L | Lexo tekstin e përzgjedhur në çdo program (shkurtorja mund të ndryshohet te cilësimet) |
| Tab, Shift + Tab | Kalo te butoni ose fusha tjetër / e mëparshme |
| Escape | Mbyll ndihmën e vogël që shfaqet pranë butonit |
Me lexues ekrani
- Çdo buton, fushë dhe listë ka emrin e vet. Mesazhet e programit (audioja po krijohet, audioja është gati, një gabim) lexohen vetë.
- Pjesët kryesore kanë tituj: «Teksti», «Dëgjimi» dhe «Cilësimet e leximit». Me NVDA kaloni nga njëra te tjetra me tastin H.
- Që tastet e programit (Hapësira, shigjetat) të shkojnë te Llafazani dhe jo te lexuesi i ekranit, kaloni në mënyrën e fokusit: me NVDA NVDA + Hapësirë, me JAWS Insert + Z, me Narrator Caps Lock + Hapësirë.
- Shiriti i pozicionit të leximit është një rrëshqitës: shigjetat e lëvizin 5 sekonda, Home dhe End e çojnë në fillim dhe në fund. Vlera e tij është koha e leximit, në minuta dhe sekonda.
- Për librat EPUB, dokumentet Word dhe PDF-të me pasqyrë, lista «Kapitujt» ju çon menjëherë te kapitulli që zgjidhni.
Për ata që shohin pak
- Pamje e errët ose e çelët (butoni lart djathtas) dhe shkronja më të mëdha ose më të vogla (A+ dhe A−).
- Fjalia dhe fjala që po thuhen ngjyrosen në tekst; ngjyrosja mund të hiqet te cilësimet.
- Ngjyrat e tekstit kanë kontrast të mjaftueshëm në të dyja pamjet, dhe kontrasti i lartë i Windows-it respektohet.
- Ndihma e vogël pranë butonave shfaqet edhe me tastierë, jo vetëm me miun.
Libra me zë
- Audioja ruhet si MP3 ose WAV, ose si një MP3 për çdo kapitull, me numrin dhe titullin e kapitullit: gati për telefon ose për lexuesit e librave me zë.
- Llafazani mban mend ku u ndal leximi i çdo libri dhe ju fton të vazhdoni prej andej.
- Faqet e skanuara të PDF-ve dhe fotot me tekst lexohen me njohje automatike të tekstit.
Kjo faqe interneti
Edhe Llafazani.com ndjek udhëzimet ndërkombëtare të aksesueshmërisë (WCAG 2.2): lexohet me tastierë dhe me lexues ekrani, dhe tekstet kanë kontrast të mjaftueshëm në të dyja pamjet.
← Kthehu te faqja kryesore