Kushtet e përdorimit
Përditësimi i fundit: 20 tetor 2026
- Llafazani është falas. Mund të përdoret pa pagesë, si për qëllime personale ashtu edhe për qëllime tregtare, përfshirë audiot e krijuara me të.
- Zërat e Llafazanit janë krijuar me inteligjencë artificiale. Nuk janë zërat e njerëzve të vërtetë. Skedarët audio që ruan programi (MP3 dhe WAV) mbajnë brenda tyre një shënim që e tregon këtë. Zërat krijohen me modelin e hapur Kokoro-82M (hexgrad, licencë Apache 2.0), të cilin autorët e Llafazanit e kanë trajnuar posaçërisht për shqipen.
- Nuk lejohet përdorimi i Llafazanit:
- për t'u paraqitur si një person tjetër ose për të imituar një person të vërtetë;
- për mashtrim, shantazh, keqinformim të qëllimshëm ose çdo përmbajtje të paligjshme;
- për të fshehur se një audio është krijuar me inteligjencë artificiale, kur ligji kërkon që kjo të bëhet e ditur.
- Programi ofrohet «siç është», pa asnjë garanci. Autorët e tij nuk mbajnë përgjegjësi për dëmet që mund të vijnë nga përdorimi i programit ose i audiove të krijuara me të.
- Audioja krijohet nga kompjuteri juaj. Tekstet dhe audiot mbeten në kompjuterin tuaj: nuk dërgohen askund dhe nuk i sheh askush tjetër. Programi nuk ka llogari, reklama apo gjurmues. Më shumë në faqen PrivatësiaAksesueshmëria.
- Programi përdor edhe pjesë të tjera me licencë të lirë. Ato janë të përfshira tashmë në Llafazani, prandaj nuk keni nevojë të shkarkoni asgjë tjetër që programi të punojë. Licencat e tyre gjenden në dosjen «licenses» të programit. Vetëm për programuesit që duan ta shohin, kodi burimor i pjesëve me licencë GNU GPL ose LGPL ofrohet këtu, siç e kërkojnë këto licenca: JBIG-KIT 2.1 (GPL 2), libiconv 1.17 (LGPL), LAME 3.100 (LGPL) dhe lameenc 1.8.4 (LGPL 3).
- Këto kushte mund të ndryshojnë me versionet e ardhshme.